पर्यटकलाई लक्षित गर्दै ‘स्टे होटल भ्याली भ्यू’ ले थप्दै ३३ सुविधा सम्पन्न रुम
दिपक जैसी
सुर्खेतको नगरकोटका रुपमा चिनिने गोठीकाडाँमा रहेको ‘स्टे होटल भ्याली भ्यू’ ले पर्यटक लक्षित सुविधासम्पन्न ३३ वटा रुम बनाउने भएको छ ।
सुर्खेतमा आउने पर्यटक र रारा जाने पर्यटकलाई लक्षित गर्दै होटलले सुविधा सम्पन्न रुमहरु बनाउन लागेको संचालक तर्क बहादुर शाहीले बताउनुभयो । शाहीले होटलमा भएका साधारण रुमहरुलाई स्तरोन्नती गदै नयाँ ३३ वटा रुम बनाउन लागेको आओर टुरिजम न्यूजलाई बताउनुभयो ।
आन्तरिक तथा वाह्य पर्यटकलाई लक्षित गर्दै २०७१ समालमा स्थापना भएको स्टे होटल भ्याली भ्यूले ग्राहकहरुको मागअनुसार होटलका रुमहरुको स्तरोन्नती गर्न लागेको हो ।
सुर्खेतबाट नजिकै स्थानमा रहेको होटलबाट सुर्खेत उपत्यका अवलोकन गर्न र रमाईलो गर्नका लागि आन्तरीक तथा बाह्य पर्यटकहरु गोठीकाडाँ जाने तर त्यहाँ राम्रो होटल नभएका कारण त्यहाँ बस्ने मन हुदाहुदै पनि भ्यालिमै फर्किनु पर्ने बाध्यतालाई सुविधासम्पन्न होटल निर्माण पछि केही हदसम्म सजिलो हुने म्यानेजर राजन शाहीले बताउनुभयो ।
म्यानेजर शाहीले होटलमा आउने अधिकांश पर्यटक आन्तरिक भएपनि अब विदेशी खर्चालु पर्यटकलाई लक्षित गरेर होटलका रुमहरुमा सेवा सुविधा थप गर्न लागिएको बताउनुभयो ।
हाल सुर्खेत भ्याली र जुम्लामा यसकाे शाखा रहेकाेमा निकट भविष्यमा राकम कर्णालीमा पनि होटल खोल्ने लक्ष्य राखेको छ ।
प्रतिक्रिया
सम्बन्धित खवर
