होटल व्यवसायी संघ बाँकेले सामाजिक उत्तरदायित्व वहन गर्दै रगतको अभाव कम हुन नदिन रक्तदान कार्यक्रम सम्पन्न गरेको छ । शनिबार संघले नेपालगञ्जको स्वस्तिक कटेजमा आयोजना गरेको रक्तदान कार्यक्रममा ४७ जनाले रक्तदान गरेका छन् ।

संघले आसन्न महाधिवेशनको पूर्व सन्ध्यामा रगतको अभाव कम हुन नदिन रक्तदान कार्यक्रमको आयोजना गरेको अध्यक्ष भिमलाल कडेलले बताउनुभयो । कडेलले सामाजिक उत्तरदायित्व वहन गर्दै होटल व्यवसायी संघ बाँकेले बिगतका वर्ष झै यसपटक पनि रक्तदान कार्यक्रमलाई निरन्तरता दिदै आफ्नो अमूल्य रगत दान गर्ने स्वयंसेवी रक्तदातालगायत अन्य सहयोगीलाई धन्यवाद दिनुभएको छ ।

कार्यक्रममा होटल व्यवसायी,सुरक्षाकर्मि, स्थानीयवासी, युवा, समाजसेवी, बुद्धिजीवीलगायतको उपस्थिति रहेको थियो ।