होटल तथा पर्यटन व्यवसायी संघ नेपाल बागमती प्रदेशका अध्यक्ष सन्तोष उप्रेतिले सरकारले ल्याएको आगामी आर्थिक वर्षको बजेटमा साना तथा मझौला होटल व्यवसायीलाई केहि मात्रामा उत्साहित बनाएको बताएका छन् ।
अध्यक्ष उप्रेतिले सरकारले शनिबार ल्याएको आर्थिक वर्ष २०७८/७९ को बजेटमा होटल तथा पर्यटन व्यवसायीहरुको प्राथमिकताको विषयलाई राम्ररी नसमेटेको र पुनर्कर्जा को निरन्तरता पुरानै भएको बताउदै पुनर्कर्जा पहुँचवाला का लागि मात्र हुने हाे कि भन्ने शंका व्यक्त गरेका छन् ।
बजेटमा जतिसुकै मिठो र लोकप्रिय कुरा आएपनि कार्यन्वयन हुनेमा शंका व्यक्त गदै उप्रेतिले कोभिडको कारण कोमामा पुगेको होटल तथा पर्यटन व्यवसायीलाई जोगाउनुपर्ने बताउनुभयाे ।
उप्रेतिले आन्तरिक पर्यटनको बिकास, प्रवर्धन र प्रोत्साहनको लागि कर्मचारीहरुलाई पारिश्रमिक सहित १० दिनको बिदा दिने कुरा राम्राे भएकाे बताउदै कुन श्रेणीको कर्मचारीले कति रकम पाउने स्पष्ट नहुनुले उच्च तहका र पहुँचवाला कर्मचारीहरु ले यो सुबिधाको दुरूपयोग गर्ने सम्भावना रहेकाे बताए ।
