अब ट्रेकिङ गाइड तालिम खुम्बु क्षेत्रबाट पनि हुने

ट्रेकिङ गाइड तथा पोर्टर गाइड तालिम अबदेखि सोलुखुम्बुको खुम्वु क्षेत्र बाट हुने भएको छ । खुम्बु पर्वतारोहण संघले ट्रेकिङ गाइड र पोर्टर गाइड तालिम दिने गरी नेपाल पर्वतीय प्रशिक्षण प्रतिष्ठानसँग सम्झौता गरेको हो ।

फिल्डमै खटेर तालिम दिनु पर्ने पाठ्यक्रम अनुसार रक क्लाइम्विङका लागि खरिखोला र आसपासका हिमालका आधारशिविरमा आधार मानेर संघले तालिम प्रदान गर्ने गरी सम्झौता भएको नेपाल पर्वतीय प्रशिक्षण प्रतिष्ठानका कार्यकारी निर्देशक रोमनाथ ज्ञवालीले बताउनुभयो ।

हाल ट्रेकिङ गाइड र पोर्टर गाइड तालिमका लागि नेपाल पर्वतीय प्रशिक्षण प्रतिष्ठान र नेपाल पर्यटन तथा होटल व्यवस्थापन प्रतिष्ठानले दिँदै आएको छ ।