यस वर्षको स्प्रिङ सिजनमा नेपालका विभिन्न हिमालहरुको आरोहणका लागि ८४४ जनाले अनुमति लिएका छन्।
पर्यटन विभागको तथ्याङ्क अनुसार यस वर्ष हिमाल आरोहणका लागि ८४४ जनाले अनुमति लगेका छन् । जसमा १०४ वटा टीमका ६५८ जना पुरुष र १८६ जना महिला रहेका छन् ।
सबैभन्दा धेरै सगरमाथाका लागि ३०२ जना र लोत्से आरोहणका लागि १०३ जनाले अनुमति लिएका विभागको तथ्यांकमा उल्लेख छ ।
नेपालको पर्वतीय पर्यटन अर्थात हिमाल आरोहणका लागि उपयुक्त र चर्चित सिजन वसन्त ऋतुलाई स्प्रिङ सिजन भन्ने गरिन्छ । हरेक वर्ष यस सिजनमा विभिन्न देशका पर्यटकहरु नेपालका विभिन्न हिमालहरुको आरोहण गर्ने गर्दछन् ।
