रुपन्देहीमा होटल एशोसिएसन अफ रुपन्देही नेपाल गठन भएको छ ।

होटेल एशोसिएसन नेपाल (हान) मा आबद्ध हुने गरी क्लब डेनोभोका सञ्चालक प्रवीणबहादुर पाठकको अध्यक्षतामा होटेल एशोसिएसन अफ रुपन्देही नेपाल तदर्थ समिति गठन गरेको हो ।

व्यवसायीहरूको बुटवलमा भएको भेलाले एशोसिएसनको उपाध्यक्ष दिलीप गौचन, महासचिव विकास पाण्डे, कोषाध्यक्ष पदम केसी, सहकोषाध्यक्ष प्रणदा दीक्षित चयन हुनुभएको छ ।

यस्तै सदस्यहरुमा प्रविण शाक्य, ध्रुव पाण्डे, शोभाखर बन्जाडे, टेकनाथ बस्याल चयन हुनुभएको छ ।

एशोसिएसनमा रुपन्देहीका बुटवल, तिलोत्तमा, सिद्धार्थनगर, देवदह, सैनामैना र लुम्बिनी सांस्कृतिक गरी ६ वटै नगर र छपिया क्षेत्रका पाँचतारे सहित करिब ५० वटा होटेल आबद्ध रहेका छन् । आफ्नै प्रोपर्टी (जग्गा) मा बनेका र अधिकांश एकल लगानीका स्तरीय होटेलहरू मात्रै एशोसिएसनमा आबद्ध रहेका छन् ।